Լաբորատոր ծառայություններ

Արյան ընդհանուր (կլինիկական) հետազոտությունը լայն կիրառում է գտել բժշկական պրակտիկայում։ Այս հետազոտությունը կարևորագույն ախտորոշիչ մեթոդներից մեկն է, որը ստույգ արտացոլում է արյունաստեղծ օրգանների հակազդումը տարբեր ֆիզոլոգիական և ախտաբանական գործոնների նկատմամբ, իսկ այդ համակարգի հիվանդությունների ախտորոշման գործում հաճախ մեծ դեր է կատարում այս հետազոտության տեսակը։

Արյան իմունոլոգիական հետազոտությունը անհրաժեշտ է տարբեր հիվանդությունների և պաթոլոգիական վիճակների ախտորոշման համար, որոնք հիմնված են իմունոլոգիական մեխանիզմների վրա, հիմնականում՝ աուտոիմուն հիվանդությունների, որոնց դեպքում մարդու օրգանիզմում առաջանում է իմուն պատասխան։ Աուտոհակամարմինների որոշումը մեծ դեր է խաղում բազմաթիվ հիվանդությունների, այդ թվում  նաև վահանաձև գեղձի խանգարումների, անեմիաների, երիկամների և լյարդի մի շարք հիվանդությունների ախտորոշման գործում։